Honda Racing awgust aýynda braziliýaly ýaryş sürüjisi Aýrton Senanyň Formula 1 awtoulagynda ulanylan iň soňky V10 hereketlendirijisini Kaliforniýanyň Bonhams auksionyna çykarar. 3,5 litrlik RA100E hereketlendirijisi 1990-njy ýylda Ýaponiýanyň we Awstraliýanyň Gran-prisinde MakLaren-Honda MP4 / 5B -de ulanyldy.
Ýaponiýanyň “Suzuki” aýlawynda geçirilen Gran-prisinde Senna eýýäm birinji öwrümde esasy garşydaşy Alen Prost bilen çaknyşdy we bu netije braziliýaly türgene göreşsiz ikinji gezek dünýä çempiony bolmaga mümkinçilik berdi.
Adelaidada Senna poul-pozisiýadan bat alyp, ýaryşyň esli bölegini öňdeligi elden bermezden geçdi, ýöne soňra geçiriş gutusynyň döwülmegi sebäpli gapdala çykmaly boldy. Hereketlendiriji 302,4 km aralygy geçip, aýlawyny 13 müňe çenli artdyryp, takmynan 700 at güýji öndürdi.
1990-njy ýyllarda Honda möhleti geçen hereketlendirijilerini seljerişden geçirmek we soňra gaýtadan işlemek üçin Ýaponiýa iberýärdi, şonuň üçin şol döwür Formula 1-de ulanylan hereketlendirijilerden saklap galany gaty az. Awstraliýanyň Gran-prisinden soň bu V10 ammarda saklandy, sebäbi "patyşalyk ýaryşyndaky" awtoulaglar 1991-nji ýylda V12 hereketlendirijilerine geçdi we motory söküp barlamak işi geçirilmedi.
Auksiona çykarmak üçin hereketlendirijini sökdüler, böleklerini ýörite witrinalarda goýdular. Ilkibaşda Honda hereketlendirijini bölekleýin satmagy meýilleşdiripdi, ýöne ahyrynda ony bitewi toplum hökmünde auksiona çykarmak kararyna geldi.
