Toyota kompaniýasy Indoneziýada täzelenen bZ4X elektrik krossoweriniň ýerli önümçiliginiň başlandygyny habar berdi. Bu barada GIIAS 2025 awtoulag sergisinde öndürijiniň wekilleri habar berdiler.
Bu markanyň ýurtda ýygnalýan ilkinji elektrik ulagy bolar. Önümçilik elektrik ulaglara çalt geçmek boýunça milli maksatnamany goldamak üçin strategik ädim hasaplanýar. Lokalizasiýanyň derejesi entek aýan edilmedi, ýöne Toyota bar bolan salgyt ýeňilliklerinden peýdalanmagy meýilleşdirýär. Düzgüne laýyklykda, ýerli komponentleriň paýy 40% bolan elektrik ulaglaryna, adaty 11%-e derek 1% goşmaça salgyt salynýar.
Toyota lokalizasiýa Indoneziýanyň bazarynda bZ4X-iň bahasyny arzanladar, hyzmat we ätiýaçlyk şaýlarynyň elýeterliligini gowulandyrar diýip garaşýar.
Satuwlar 2025-nji ýylyň ahyrynda başlar diýip, Antara News habar berýär. Indoneziýada diňe öň tekerleri hereketli wersiýa hödürlener. Ýewropada bu modifikasiýa 57,7 we 73.1 kWt∙s kuwwatly batareýalar bilen elýeterlidir. Ýöreýiş ätiýaçlygy degişlilikde 444 we 568 km, tizligi 100 km / sag-a degişlilikde 8,6 we 7,4 sekuntda çykýar. Iň ýokary tizligi sagatda 140 we 160 km.
Şeýle hem awtoulag sergisinde Urban Cruiser EV ykjam krossoweri görkezildi. Ol 2026-njy ýylyň başynda Suzuki e Vitara modeli ilkinji gezek görkezilenden soň, tizara bazara çykyp biler.
