Toyota kompaniýasy awtoulaglaryň daşky görnüşini we howpsuzlygyny ýokarlandyrmaga niýetlenen gizlenýän gapy tutawaçlarynyň täze gurluşyny patentledi. Patent arzasy ABŞ-nyň Patentler we haryt nyşanlary edarasy tarapyndan çap edildi.
Bu oýlap tapyş däp bolan daşyna çykýan (ýygnalýan) tutawaçlara bildirilýän tankytlaryň çäginde peýda boldy. Sürüjiler we bilermenler şeýle mehanizmleriň oňaýsyzdygyny, doňan ýagdaýynda kynçylyk döredýändigini, şeýle hem heläkçilikden soň salona gyssagly girmegiň kynlaşýandygyny belläpdiler.
Patentiň düşündirişine görä, hereketsiz ýagdaýda tutawaç kuzow bilen bir derejede ýerleşýär. Işjeňleşdirilenden soň, gurluşyň bir bölegi gapynyň iç ýüzüne süýşýär we el üçin ýer emele getirýär. Toyota-da şeýle çözgüdiň has ygtybarly we aňsat tutmagy üpjün edýändigine ynanýarlar.
Öňüni alyş howpsuzlygyna işläp düzüjiler aýratyn üns berdiler. Adaty çykýan tutawaçlar güýçli gapdal urgy bolanda doly iç ýüze süýşüp, salony deşip bilýär. Olardan tapawutlylykda, täze patentlenen gurluşda ýük öňünden gowşadylan nokatlar boýunça paýlanýar.
Tutawaç ýönebir döwülýär, bu bolsa kuzowyň zeperlenmeginiň öňüni alýar we ýolagçylary metal bölekleriniň salona girmeginden goraýar. Şeýle arhitektura gyssagly ýagdaýlarda salona girmegi ýeňilleşdirýär, sebäbi halas edijiler çykýan mehanizmi kuzowdan çykarmaga synanyşmaly bolmazlar.
Toyota heniz bu oýlap tapyşy seriýaly modellerde ornaşdyrmagyň möhletlerini mälim etmedi.
Fewral aýynda kompaniýa gapy tutawaçlary içine ýerleşdirilen bäşinji nesil Highlander krossowerini hödürledi. Standart tertipde olar elektron görnüşde işleýär, ýöne ulgamyň näsazlygy ýa-da zarýadyň gutarmagy ýaly ýagdaýlar üçin fiziki diljagaz we adaty açar üçin gizlin deşik göz öňünde tutulandyr.
