“Mortal Kombat 2” filminiň treýleri wideolaryň Red Band wersiýalarynyň arasynda tomaşa sany boýunça täze rekord goýdy. Bu barada Deadline neşiri habar berýär.
Çeşmäniň maglumatlaryna görä, wideonyň ýaş çäklendirmesi bolan wersiýasy ilkinji 24 sagatda 106,8 mln tomaşa ýygnady. Bu “Öz janyna kast edijileriň topary: Parran missiýasy” (58,5 mln), “Dedpul 2” (52 mln) ýaly filmleriň we “Mortal Kombatyň” öňki bölüminiň (47 mln) netijelerinden ýokary boldy.
Täze filmiň ilkinji treýlerinde baş gahryman hökmünde Karl Urbanyň ýerine ýetirmeginde Jonni Keýj görkezilýär. Muşdaklaryň pikiriçe, awtorlar öňki filmdäki kemçilikleri göz öňünde tutupdyrlar we onuň dowamy auditoriýada uly gyzyklanma döredýär.
Birinji film dünýä prokatynda 84 mln dollar gazandy, ýöne ol kinoteatrlarda we ABŞ-da HBO Max platformasynda bir wagtyň özünde çykdy, bu hem girdejilere täsir etdi. Ikinji bölüm diňe kinoteatrlarda çykarylar. Bilermenleriň hasaplamasy boýunça, 68 mln dollar býujetde filme çykdajylary ödemek üçin 200 mln dollar töweregi gazanmak gerek.
“Mortal Kombat 2-niň” premýerasy 23-nji oktýabra meýilleşdirilýär. Prokatda ol “Tron: Ares” (9-njy oktýabr) we “Gara tefefon 2” (16-njy oktýabr) bilen bäsleşmeli bolar.
