Täze Redmi Turbo 5 smartfonynyň esasy aýratynlyklary belli boldy. Smartfonyň şu çärýegiň ahyryna çenli resmi taýdan görkezilmegine garaşylýar diýip, Gizmochina ýazýar.
Maglumatlara görä, smartfon Qualcomm Snapdragon 8 Gen 3 prosessoryna hem-de 120 Gs täzelenme ýygylygy we QHD+ durulygy bilen 6,78 dýuýmlyk AMOLED displeýine eýe boldy. Iň ýokary ýagtylygy 1 800 nit bolan ekran HDR10+ tehnologiýasyny goldaýar, bu hem reňkleriň ýiti we ýokary hilli bolmagyny üpjün edýär.
Esasy kamera optiki durnuklaşdyrma bilen 200 Mp Sony IMX989 sensoryndan, 12 Mp giňburçly moduldan we 8 Mp teleobýektiwden ybarat.
5 500 mA/sag sygymly akkumulýator 120 Wt çalt zarýad alşy goldaýar, bu hem smartfona 25 minutda doly zarýad bermäge mümkinçilik berýär.
Smartfon IP68 goragy bilen metal korpusa eýe boldy. Yzky panelde lazer awtofokusy we yşyk diodly ýagtylandyryş bilen tegelek kamera moduly ýerleşdirildi.
Gurluş 12 GB operatiw ýat, 256 ýa-da 512 GB içki ýat, ekranyň aşagynda barmak yzynyň skaneri, NFC, stereodinamikler we USB-C porty bilen üpjün edildi.
8 GB operatiw we 256 GB içki ýatly esasy wersiýanyň bahasy 399 dollara barabar bolar.
