Trampyň maşgalasynyň kompaniýasy bitkoine we beýleki kriptoaktiwlere $2 mlrd maýa goýdy

  • 23.07.2025 14:32
  • 9.6k+
Trampyň maşgalasynyň kompaniýasy bitkoine we beýleki kriptoaktiwlere $2 mlrd maýa goýdy

ABŞ-nyň Prezidenti Donald Trampyň maşgalasy tarapyndan gözegçilik edilýän Trump Media & Technology Group (TMTG) kompaniýasy 2 mlrd dollarlyk bitkoin we beýleki kriptowalýuta aktiwlerini satyn alandygyny habar berdi. Bu habardan soň kompaniýanyň paýnamalary 6% ýokarlandy.

Maý aýynda TMTG kriptowalýutalara, şol sanda bitkoine maýa goýumlar üçin 2,5 mlrd dollar çekmek isleýändigini aýdypdy.
Ozal Donald Tramp sanly aktiwler barada ençeme gezek oňyn seslendi. Mart aýynda kriptowalýutalaryň milli strategiki ätiýaçlygynyň döredilendigini habar berip, ABŞ-nyň kriptopudagyň “dünýä paýtagtyna” öwrüljekdigini belledi.
18-nji iýulda Ak tamyň ýolbaşçysy kriptowalýuta bazaryna täze düzgünleri girizýän kanuna gol çekdi. Resminama sarp edijileri goramak we dollar bilen üpjün edilen steýblkoinler boýunça çäreleri öz içine alýar.
Kanun kabul edilenden soň, dünýäniň kriptobazarynyň kapitalizasiýasy rekord 3,91 trln dollara ýetdi. 

Indi 10%-den 15%-e: Tramp ähli import üçin gümrük pajyny ýene ýokarlandyrýar
22.02.2026 14:39
6.1k+

Indi 10%-den 15%-e: Tramp ähli import üçin gümrük pajyny ýene ýokarlandyrýar

Donald Tramp ABŞ-nyň Ýokary kazyýetiniň kararyna jogap hökmünde, Amerikanyň Birleşen Ştatlaryna getirilýän ähli harytlar üçin «global pajy» 10%-den 15%-e çenli ýokarlandyrýandygyny mälim etdi. Ýurduň prezidenti bu barada özüniň Truth Social sosial torunda ýazgy galdyrdy...

Tramp import harytlaryna häzirki bar bolan gümrük paçlarynyň üstüne ýene goşmaça paç girizýändigini yglan etdi
21.02.2026 10:44
10k+

Tramp import harytlaryna häzirki bar bolan gümrük paçlarynyň üstüne ýene goşmaça paç girizýändigini yglan etdi

Amerikanyň Birleşen Ştatlarynyň Prezidenti Donald Tramp ýurtda hereket edýän nyrhlara goşmaça hökmünde, ABŞ-a getirilýän ähli import harytlaryna ýene-de goşmaça 10 göterim gümrük pajynyň giriziljekdigini mälim etdi...

Bitkoin 63 müň dollardan aşak düşdi: bu onuň ýeten iň ýokary görkezijisinden iki esse arzan
06.02.2026 09:27
2.5k+

Bitkoin 63 müň dollardan aşak düşdi: bu onuň ýeten iň ýokary görkezijisinden iki esse arzan

Binance biržasynyň maglumatyna görä, bitkoin kriptowalýutasynyň kursy Aşgabat wagty bilen sagat 01:55-de 62 345 dollara çenli pese düşdi. Bu görkeziji 2025-nji ýylyň oktýabr aýyndaky taryhy iň ýokary derejeden iki esse azdyr...

Bitkoiniň pese gaçmagy zerarly tutuş kriptobazar tas ýarym trillion dollar ýitirdi
05.02.2026 18:27
4.2k+

Bitkoiniň pese gaçmagy zerarly tutuş kriptobazar tas ýarym trillion dollar ýitirdi

Soňky bir hepdede kriptowalýuta bazary, takmynan, ýarym trillion dollar ýitirdi: 29-njy ýanwardan bäri onuň kapitalizasiýasy 467,6 mlrd dollar azaldy. Esasy zarba bitkoine degdi, onuň pese düşmegi bitkoiniň gorag aktiwi hökmündäki ornuna şübhäni artdyrdy diýip, Bloomberg habar berýär...