Team Spirit topary Riýadda geçirilýän Dünýäniň kibersport çempionatynyň çäklerinde Dota 2 ýaryşynda ýeňiji boldy. Bu barada RBK habar berdi.
Team Spirit grand-finalda kartalarda Saud Arabystanynyň Team Falcons toparyny 3-0 hasabynda ýeňdi. Üçünji orny Russiýanyň Parivision topary eýeledi.
Team Spirit ýaryşda ýeňiji bolany üçin 1 million dollar alar. Finalçylara 500 000 dollar, bürünç medal gazananlara 300 000 dollar möçberinde pul baýragy berler.
Ýeňiji topara ruslar Denis Sigitow (Larl), Magomed Halilow (Collapse), Aleksandr Filin (rue), Ýaroslaw Naýdenow (Miposhka) we ukrainaly Ilýa Mulýarçuk (Yatoro) dagylar girdi.
Team Spirit - esasy ofisi Belgradda bolan halkara kibersport guramasydyr. Toparyň oýunçylarynyň köpüsi Russiýadan we Ukrainadan. Klubuň web sahypasyndaky maglumata görä, ofis 2022-nji ýylyň mart aýynda Moskwadan Serbiýanyň paýtagtyna geçirildi.
Şeýle hem, Team Spirit 2021-nji we 2023-nji ýyllarda iki gezek iň uly Dota 2 ýaryşynda — The International-da ýeňiji bolupdy. Topar CS2, PUBG Mobile, Hearthstone we Mobile Legends sport görnüşlerine-de wekilçilik edýär.
