Türkmen talyplary Italiýanyň Daşary ýurtlular üçin Perujiýa uniwersitetinde okuwlara gatnaşýarlar

  • 19.07.2025 14:14
  • 16k+

Halkara ynsanperwer ylymlary we ösüş uniwersitetiniň talyplary 28-nji iýunyndan 2-nji awgust aralygynda Italiýa Respublikasynyň Daşary ýurtlular üçin Perujiýa uniwersitetinde geçirilýän italýan dili we medeniýeti boýunça okuwlara gatnaşýarlar. Bu sapar iki ýurduň ýokary okuw mekdepleriniň arasyndaky halkara hyzmatdaşlygy pugtalandyrmak maksady bilen Italiýanyň uniwersitetiniň çakylygy boýunça gurnalýar.

Daşary ýurtlular üçin Perujiýa uniwersiteti (Università per Stranieri di Perugia) tutuş ýurt boýunça diňe daşary ýurtly talyplar üçin gapylaryny açan iki ýokary okuw mekdebiň biridir. Bu Italiýanyň iň gadymy we abraýly uniwersiteti bolup, bu ýokary okuw mekdep diňe bir talyp ýaşlara ylym öwretmek we ylmy gözleg işlerini geçirmek bilen çäklenmän, daşary ýurtdan gelen ýaşlaryň italýan diline we medeniýetine bolan garaýşyny has-da kämilleşdirýär.
Türkmen ýaşlarynyň italýan dilini öwrenmek endiklerini kämilleşdirmek mümkinçiligi diňe bir hyzmatdaşlygy ýola goýmakda däl, eýsem, ýurduň medeniýetine we taryhyna düşünmekde-de aýratyn ähmiýetlidir. 
Halkara ynsanperwer ylymlary we ösüş uniwersitetiniň talyplary hem öz gezeginde medeni alyş-çalyş we oňyn gepleşiklere goşant goşýan ýurdumyzyň taryhy we medeni mirasyna degişli baý maglumatlary daşary ýurtly deň-duşlary bilen paýlaşýarlar.


25.09.2025 14:29
3

Türkmen talyplary akademik alyş-çalyş maksatnamasynyň çäklerinde Ýaponiýa bardylar

Türkmenistanyň Oguz han adyndaky Inžener-tehnologiýalar uniwersitetiniň üç talyby hyzmatdaşlyk maksatnamasynyň çäklerinde Ýaponiýa döwletine gitdiler. Bu barada Türkmenistanyň Bilim ministrliginiň saýtynda habar berilýär...

19.09.2025 16:41
1

Türkmenistanyň Bilim ministrliginde AQA Global-yň wekiliýeti bilen duşuşyk geçirildi

18-nji sentýabrda Türkmenistanyň Bilim ministrliginde Britaniýanyň AQA Global Assessment Services kompaniýasynyň wekiliýeti bilen duşuşyk geçirildi. Wekiliýetiň düzümine halkara ösüş boýunça direktor Şon Krouli, baha bermek ulgamlarynyň direktory Anna Grin we sebit boýunça geňeşçi Wali Guseýin girdi...

16.09.2025 19:09
8.2k+

Koreýanyň ilçihanasy türkmen raýatlary üçin talyp hakly maksatnamasyny yglan etdi

Koreýa Respublikasynyň Bilim ministrliginiň Halkara Bilim instituty ýokary bilim almak üçin döwlet talyp hakly maksatnamasyna (GKS) arzalaryň kabul edilip başlanandygyny mälim etdi. Bu maksatnamanyň çäklerinde Türkmenistanyň raýatlary üçin ilçihana arkaly bakalawr maksatnamasyna iki orun berilýär...

15.09.2025 17:42
1

Türkmenistanda okuwçylar üçin koreý we ýapon dilleri boýunça okuw kitaplary neşir edildi

Türkmenistanda umumybilim berýän mekdepleriniň 9-njy synplary üçin iki sany täze — «Koreý dili» we «Ýapon dili» okuw kitaplary neşir edildi. Bu işe daşary ýurt dilleriniň okadylyşyny döwrebaplaşdyrmak hem-de sanly tehnologiýalary okuw işine ornaşdyrmak boýunça maksatnamanyň çäginde badalga berildi diýip, Bilim ministrliginde habar berdiler...