Serdar Berdimuhamedow Türkmenistanyň Tailanddaky ilçisini belledi

  • 19.07.2025 07:26
  • 7.2k+

18-nji iýulda Prezidenti Serdar Berdimuhamedow Türkmenistanyň Malaýziýadaky (Kuala-Lumpur şäheri) Adatdan daşary we Doly ygtyýarly ilçisi Muhammetnyýaz Badyýewiç Maşalowy, şol bir wagtda, Türkmenistanyň Tailand Patyşalygyndaky Adatdan daşary we Doly ygtyýarly ilçisi wezipesine belledi.

Muhammetnyýaz Maşalow tejribeli diplomat bolup, 2018-nji ýyldan bäri Türkmenistanyň Malaýziýadaky ilçisi wezipesini ýerine ýetirýär. 1995-nji ýylda Türkmenistanyň Milli ykdysadyýet institutyny tamamlap, halkara ykdysadyýetçi-dolandyryjy hünärini aldy. 1996-1997-nji ýyllarda Türkmenistanyň Ýaragly Güýçlerinde gulluk edip, soňra Türkmenistanyň Daşary işler ministrliginde dürli diplomatik we konsullyk wezipelerini eýeledi. Ol Türkmenistanyň Ermenistandaky ilçihanasynyň düzüminde (2008-2014) we Ermenistanda Adatdan daşary we Doly ygtyýarly ilçi (2015-2018) hökmünde işledi. Rus, pars we iňlis dillerini bilýär, halkara diplomatiýasy we konsullyk işleri boýunça uly tejribesi bar.


düýn 18:33
6.7k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

düýn 18:18
3.3k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...

düýn 13:26
4.4k+

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...

düýn 11:59
4.4k+

Serdar Berdimuhamedow Koreýa Respublikasynyň Prezidentini dekabrdaky halkara foruma çagyrdy

29-njy awgustda Prezident Serdar Berdimuhamedow bilen Koreýa Respublikasynyň Prezidenti Li Çže Mýonyň arasynda telefon arkaly söhbetdeşlik geçirildi. Bu barada TDH habar berýär. Serdar Berdimuhamedow Li Çže Mýony Koreýa Respublikasynyň Prezidenti wezipesine saýlanylmagy bilen gutlap, oňa jogapkärli döwlet işinde uly üstünlikleri arzuw etdi...