Mirror Me hytaý startapynyň Black Panther II robot iti 13 sekuntda 100 metr aralygy ylgap geçdi. Bu robotlaryň arasynda iň gowy netijedir diýip, South China Morning Post habar berýär.
Model sekuntda 9,7 metr tizligi görkezip, sekuntda 8,8 metre çenli tizligini artdyryp bilýän WildCat amerikan robotynyň görkezijilerinden geçdi.
Muňa garamazdan, resmi dünýä rekordy henizem Koreýanyň Ösen tehnologiýalar institutynyň talyplary tarapyndan döredilen robot ite degişlidir. Onuň netijesi – 100 metr aralykda 20 sekunt töweregi.
Mirror Me-niň esaslandyryjysy Szin Ýunbin kompaniýanyň “amatly pursat gelen wagty” bu üstünligi Ginnesiň rekordlar kitabyna goşmak üçin arza berjekdigini aýtdy. Şeýle-de, ol kompaniýanyň 2026-njy ýyla çenli sekuntda 10 metr tizlik bilen ylgap biljek iki aýakly roboty, 2030-njy ýyla çenli bolsa şahsy kömekçä öwrüljek gumanoidi döretmek meýilnamalary barada aýtdy.
