Lexus kompaniýasy hereket edip barýan ulaglarda tennis oýny bilen bagly Ginnesiň iki rekordyny goýmaga gatnaşdy. Britaniýaly tennisçiler Jeými Marreý we Lora Robson 47 km/sag tizlik bilen hereket edip barýan awtomobilleriň üçeginde durmak bilen, birek-birege yzygider 101 gezek top geçirdi.
Howpsuzlygy üpjün etmek üçin Lexus NX krossowerlerinde türgenleri berkitmek üçin alýumin platforma gurnaldy. Awtomobilleri hünärmen kaskadýor-sürüjiler dolandyrdy. Hereket britan Daksfordyndaky aerodromyň uçuş-gonuş zolagynda boldy.
Ginnesiň rekordlar kitabynyň wekilleri iki rekordy hasaba aldy: hereket edip barýan iki awtomobilde iň uzak dowam eden tennis oýny we şeýle oýun wagty iň ýokary tizlik.
Iki rekordy hem goýmak üçin iki sagat töweregi wagt sarp edildi. Lora Robson wakany “sýurrealistik tejribe”, Jeými Marreý bolsa öz durmuşynda iň täsirli we üýtgeşik synag diýip atlandyrdy.
