Demirgazyk-Kawkaz federal uniwersitetiniň alymlary ýara bitiriji dermanlary döretmek üçin guşuň düwünçek dokumalaryndan edilen peptidleri ulanmagy teklip etdiler. Işläp taýýarlama melhemleriň, gelleriň we suwuk plastyrlaryň bir toparynyň çykarylmagy bilen tamamlanar. Bu barada uniwersitetiň metbugat gullugy TASS-a habar berdi.
Uniwersitetiň belleýşi ýaly, düwünçek dokumalarynda bir wagtyň özünde çişi gaýtarýan, ýokançlyklara garşy göreşýän we öýjükleriň ösmegine itergi berýän bioaktiw peptidler bolan beloklar bar. Işläp taýýarlaýjylaryň sözlerine görä, geljekki dermanlaryň esasy artykmaçlygy bejermesi kyn ýaralary bejermekde ýokary netijelilik görkezmegidir.
Taslama SKFU-nyň synag immunomorfologiýasy, immunopatologiýasy we immunobiotehnologiýasy kafedraara barlaghanasynyň esasy ylmy işgäri Marina Sizonenko ýolbaşçylyk edýär. Onuň sözlerine görä, şeýle peptidleri ulananyňyzda immun reaksiýasynyň ýüze çykmak töwekgelçiligi gaty pes, sebäbi tehnologiýa immun ulgamy tarapyndan tanalmaýan bölekleri almaga mümkinçilik berýär.
Ähli substansiýalar hökmany howpsuzlyk synaglaryndan geçýär. Taslamanyň esasy täzeligi - çylşyrymly biologiki maddalar bilen işlemek üçin uniwersal tehnologik platforma döretmekdir.
