Emirates awiakompaniýasy (BAE) kriptowalýuta töleglerini girizmek barada Crypto.com kriptobiržasy bilen şertnama baglaşdy. Bu barada awiakompaniýanyň ýolbaşçysy şeýh Ahmed bin Said Al Maktum sosial ulgamlarda habar berdi. Şertnama 2026-njy ýylda güýje girer we ýolagçylar biletleri hem beýleki hyzmatlary kriptowalýutanyň kömegi bilen töläp biler.
Bu hyzmatdaşlyga Dubai Duty Free kompaniýasy hem goşuldy. Hyzmatdaşlar sanly töleg serişdelerini syýahatçylar üçin ornaşdyrmagy meýilleşdirýär. Emirates-iň ýolbaşçysynyň aýtmagyna görä, kriptowalýuta arkaly töleg biletleri bron etmekden başlap, dükanlardaky söwda çenli ähli tapgyrlarda elýeterli bolar.
Täze ulgamyň tölegleri aňsatlaşdyryp, sanly pul serişdelerini işjeň ulanýan müşderileri çekmegine garaşylýar. Emirates we Crypto.com kriptowalýutalary kabul etmek üçin ygtybarly ulgamy döredip, dürli sanly walýutalary teklip eder we hyzmatlary ösdürmek üçin marketing kampaniýalaryny geçirer.
Bilermenler şeýle başlangyçlaryň awiasiýa pudagynda trend boljakdygyny çaklaýar.
Emirates-iň bitkoinleri kabul edip başlamak meýilnamalary barada üç ýyl mundan ozal belli boldy. Şol wagt awiakompaniýa öz saýtynda NFT görnüşinde kolleksiýa predmetlerini hem satmakçydygyny aýtdy.
