Bitkoiniň bahasy taryhda iň ýokary derejesine ýetip, ilkinji gezek 118 müň dollardan geçdi. Coindesk kriptobiržasynyň beren maglumatlaryna görä, bitkoin häzir Aşgabat wagty bilen sagat 11:00-da kriptowalýutanyň bahasy 118 270 dollara çenli ýokarlandy. Ösüş ýene-de dowam edýär.
Bu ösüş, aprelde ABŞ-nyň Prezidenti Donald Trampyň söwda paçlaryny girizjekdigi baradaky beýanatyndan soň, gazna bazarlarynyň pese gaçmagy bilen, bitkoiniň bahasynyň $75 müňden hem aşak düşen döwründen soňky dikelişiň dowamydyr. Şol pes baha 2025-nji ýylyň iň pes derejesi hökmünde galýar.
Aprel aýyndaky çökgünlikden soň, bitkoin tiz depginde dikeldi. Maý aýynyň 22-sinde ýylyň başyndan bäri ilkinji gezek bitkoin $110 müňden geçip, $111 313 derejesine ýetdi. Şondan bäri bolsa onuň ösüşi esasan ýokarlanmagyny dowam edýär.
Häzirki wagtda bitkoiniň bazar kapitallaşdyrylyşy, takmynan, $2,35 trilliona deňdir. Bu görkeziji Tesla we Alphabet ýaly kompaniýalaryň bazar bahasyndan ýokary bolup, diňe Microsoft, Apple, Amazon we Nvidia ýaly dört kompaniýadan pesdir.
Şeýle-de belläp geçsek, 2025-nji ýylyň 10-njy iýulynda emeli aň tehnologiýalarynyň ösüşiniň netijesinde Nvidia dünýäde ilkinji bolup bazar bahasy $4 trilliona ýeten kompaniýa boldy. Bu bolsa häzirki wagtda $3,6 trillion diýlip bahalandyrylýan bütin kriptowalýuta bazarynyň jemi gymmatyndan hem ýokarydyr.
