Bitkoiniň bahasy söwdalaryň barşynda 2025-nji ýylyň 11-nji aprelinden bäri ilkinji gezek 80 müň dollardan aşak düşdi. Muny Binance biržasynyň maglumatlary tassyklaýar.
Aşgabat wagty bilen sagat 09:30-da bitkoin 78,9 müň dollar töwereginde bahalandyryldy, bu bolsa günüň dowamynda 5,20% pese gaçyşy aňladýar.
Kripto bazaryndaky "Howatyrlanma we husytlyk indeksi" (Fear and Greed Index) 100 baldan bary-ýogy 20 bala düşdi. Bu "adatdan daşary gorky" (Extreme Fear) zolagydyr. Şeýle ýagdaý maýadarlaryň arasynda uly aladanyň bardygyny we olaryň kriptowalýutalaryny satmaga meýillidigini görkezýär.
2025-nji ýylyň ahyry we 2026-njy ýylyň başy kriptowalýuta bazary üçin örän durnuksyz döwür boldy: oktýabr aýynyň ortalarynda bazaryň umumy kapitallaşmasy taryhy rekordyna — 4,25 trillion dollara ýetipdi. Häzirki wagtda bazaryň umumy bahasy 3 trillion dollara çenli peseldi.
Ýatlap geçsek, geçen ýylyň oktýabr aýynda bitkoin özüniň iň ýokary taryhy bahasyny — 126 000 dollary täzeläpdi. Ondan soňra baha 85 000–92 000 dollar aralygyna çenli aşaklady we birnäçe aýlap şol çäklerde saklanyp gelýärdi.
