Ýewropanyň Euro NCAP kraş-synag birleşigi 2025-nji ýylyň iň howpsuz awtoulaglarynyň sanawyny täzeledi. Ilkinji onlukdaky modelleriň ýarysyndan gowragy Hytaýyňkydyr. Şeýle hem, sanawda Tesla, Audi we Polestar bar diýip, Finratings.kz ýazýar.
Tesla Model 3 mümkin bolan 400 baldan 359 bal gazanyp, birinji ýeri eýeledi. Bu model sürüjini, ýolagçylary we pyýadalary goramakda ýokary netijeliligi görkezdi we howply ýol ýagdaýlarynyň simulýasiýasyny üstünlikli ýeňdi.
Ikinji orny Polestar 3 eýeledi, üçünji ýerde bolsa Audi A6 e-tron durýar. Ol sürüjini we ýolagçylary goramak nukdaýnazaryndan bäsdeşlerinden öňe geçdi, ýöne beýleki ölçeglerde yza galdy.
Hytaý markalary reýtingiň tolgundyryjy tarapy boldy. Tanyşdyrylan alty modeliň hemmesine bäş sany howpsuzlyk ýyldyzy berildi. Olaryň iň gowusy ykjam krossower Voyah Courage hökmünde ykrar edildi. Geely EX5, BYD Sealion 7, MG S5, Hongqi EHS9 we gibrid Jaecoo 7 hem ýokary bahalara eýe boldy.
Modeller öň we gapdal urgular, pyýadalary goramak we elektron kömekçileriň netijeliligi boýunça synaglardan üstünlikli geçdi.
Bu ýyl Euroewro NCAP kraş-synagyndan geçen ilkinji model iň gelşikli şäher krossoweri Zeekr X boldy. Ol ähli ugurlarda iň ýokary bal gazandy: ulularyň goraglylygy - 91%, çagalaryň goraglylygy - 90%, pyýadalaryňky - 84%, elektron ulgamlary - 83%.
Reýtinge jemi 20 awtoulag girizildi. Olardan 14-si bäş ýyldyz, galanlary - dört ýyldyz aldy.
