Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär.
Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy.
Reýtingde birinji orny häzirki dünýä çempiony – Argentinanyň milli ýygyndysy (1885,36 bal) eýeleýär. Ikinji orunda Ýewro-2024-de ýeňiş gazanan Ispaniýanyň milli ýygyndysy (1867,09), üçünji orunda Fransiýa (1862,03) ýerleşýär.
Şeýle-de, iň güýçlüleriň ilkinji onlugyna şular girdi:
4. Angliýa – 1813.32
5. Braziliýa – 1777.69
6. Portugaliýa (+1) – 1770.53
7. Niderlandlar (-1) – 1758.18
8. Belgiýa – 1736.38
9. Germaniýa (+1) – 1716.98
10. Horwatiýa (+1) – 1707.51
Ilkinji onlugy 9-njy orundan 11-nji orna düşen italýan futbolçylary terk etdi.
Umuman, hasaba 202 oýun girdi. Utuk boýunça iň uly ösüşi Gonduras (+46,33), orun taýdan bolsa Kosta-Rika görkezdi (+14 orun). Utuk boýunça iň uly pese gaçyş Gaitide (-30,11), orun boýunça Kongoda, Gaitide, Ýamaýkada we Maldiwde (-7 orun) hasaba alyndy.
