“PSŽ” fransuz kluby futbol boýunça Klublaýyn dünýä çempionatynyň ýarym finalynda Madridiň “Realyny” uly hasap bilen ýeňlişe sezewar etdi. Ist-Raterfordda (Nýu-Jersi ştaty) geçirilen oýun 4:0 hasabynda tamamlandy.
Ilkinji üç goly parižliler eýýäm 24-nji minuta çenli girizdiler. Oýnuň 6-njy minutynda Fabian Ruis hasaby açdy. Ýene üç minutdan Usman Dembele gol geçirdi. Soňra Ruis öz hasabyna ikinji goly adyna ýazdy. Oýnuň galan wagty ýönekeý bir resmilik boldy, çünki “PSŽ” artykmaçlygyny elden bermän, tutuş oýny öz gözegçiliginde saklady. Gutarnykly hasaby 87-nji minutda Gonsalu Ramuş kesgitledi.
Duşuşyk ýol dykynlary sebäpli 10 minut giç başlady: iki toparyň hem awtobuslary stadiona giç geldi.
“Real” 2003-nji ýylyň noýabryndan bäri ilkinji gezek şeýle çalt üç goly geçirtdi. “PSŽ” üçin bu 2018-nji ýylyň aprelinden bäri şeýle aralykda iň uly görkeziji boldy.
Klublaýyn dünýä çempionatynyň finalynda “PSŽ” Angliýanyň “Çelsisi” bilen duşuşar, ol ýarym finalda “Fluminenseni” 2:0 hasabynda utupdy.
Final oýny 13-nji iýulda Ist-Raterfordda geçer.
