ABŞ bir aýda amala aşyrylan täjirçilik kosmos uçuşlarynyň sany boýunça täze rekord goýdy. Federal raýat awiasiýa edarasynyň (FAA) maglumatlaryna görä, iýun aýynda amerikan kompaniýalary jemi 21 uçuşy amala aşyrdy diýip, Space.com habar berýär.
Ähli missiýalar dört kompaniýa – Blue Origin, Rocket Lab, SpaceX we United Launch Alliance tarapyndan ýerine ýetirildi. Uçuryşlar Kaliforniýada, Floridada, Tehasda we Täze Zelandiýada geçirildi. Olar orbital, suborbital we ekipažly täjirçilik uçuşlaryny öz içine aldy diýip, FAA belledi.
Hususan-da, SpaceX kompaniýasy has işjeň boldy. Oňa 21 missiýanyň 15-isi degişli. Olardan 12 uçuş Ýere golaý pes orbitada Starlink aragatnaşyk hemralaryny ýerleşdirmäge gönükdirildi.
Ýylyň başyndan bäri SpaceX kosmosa 81 gezek raketa çykardy we bir ýylda uçurylýan orbital missiýalaryň sany boýunça öz rekordyny (134) täzeläp biler.
Geçenki aýlyk rekord – 20 uçuş 2024-nji ýylyň noýabrynda hasaba alyndy.
