Netflix her tomaşaçy üçin film we treýler döretmäge niýetlenen EA esasly tehnologiýany patentleýär

  • 04.07.2025 18:42
  • 1.6k+

Netflix emeli aň tehnologiýasy arkaly şahsylaşdyrylan treýlerleri we interaktiw filmleri döretmegiň üstünde işleýär. Muňa  kompaniýanyň täze patentleri şaýatlyk edýär diýip, Business Insider habar berýär.

Dekabr aýynda berlen bir patentde her bir ulanyjy üçin şol bir filmiň treýlerleriniň dürli wersiýalaryny döretmegiň mümkindigi beýan edilýär. Şeýle wideolarda, ulgamyň baha bermegine görä, tomaşaçynyň halaýan aktýory, belli bir žanrdan bölekler ýa-da gülkünç pursatlar ýaly tomaşaçylary gyzyklandyryp biläýjek sahnalar ulanylar.
Bu çemeleşmäniň diňe treýlerlerde däl, eýsem filmleriň, teleseriallaryň we hatda audiokitaplaryň doly görnüşlerinde hem ulanylyp bilinjekdigi bellendi. Şahsylaşdyrylan mazmuny döretmek üçin, abonentler baradaky maglumatlary, şol sanda görlenleriň taryhyny görmek meýilleşdirilýär.
Fewral aýynda berlen başga bir patentde interaktiw taslamalary döretmegiň tehnologiýasy beýan edilýär. Tomaşaça sýužete täsir etmek teklip edýär we AI ulanyjynyň isleglerine esaslanyp, mümkin bolan ssenarileri döredýär. Mysal üçin, romantika bilen gyzyklanýan tomaşaçylara wakanyň degişli öwrümi hödürlenip bilner.
Business Insider-iň pikirine görä, bu Netflix-iň täze tehnologiýalary ulanyp interaktiw mazmunyň ösüşini dikeltmek meýilnamalarynyň bardygyna şaýatlyk edýär. Kompaniýa ozal şuňa meňzeş interaktiw taslamalary eýýäm çykarypdy – “Gara aýna: Brandaşmyg” (2018) (“Черное зеркало: Брандашмыг”) we “Ýanbermezek Kimmi Şmidt: Kimmi ruhana garşy” (2020) (“Несгибаемая Кимми Шмидт: Кимми против преподобного”), ýöne soňra olary platformadan aýyrdy.

"Death Stranding, Metal Gear Solid ýa-da Quantic Dream taslamalary ýaly wideo oýunlaryna seretseňiz, hemme zat uzyn interaktiw film ýaly düzülen. “Gara aýnanyň” indiki möwsüminiň şeýle synaglar üçin meýdança bolmagyna garaşylýar "- diýip, mediýa we AI ugry boýunça seljeriji Fil Petitpont belleýär.


şu gün 00:17
169

“Mitçeller bilen maşynlaryň gapma-garşylygy” multfilminiň dowamy çykar

“Mitçeller bilen maşynlaryň gapma-garşylygy” (The Mitchells vs. the Machines) animasion filminiň dowamy çykarylar. Variety neşiriniň habar bermegine görä, täze bölümiň režissýorlary hökmünde Jeý Pi Sans (“Garagol ýigitler 2”) we asyl filmiň ssenarisiniň üstünde işlän Gilýermo Martines çykyş eder...

şu gün 00:10
470

Müňden gowrak işgär super EA-ny döretmegi bes etmek çagyryşy bilen çykyş etdi

1000-den gowrak jemgyýetçilik işgäri, şol sanda oýlap tapyjy, Apple-iň egindeş esaslandyryjysy Stiw Woznýak, “EA-nyň atalary” Jeffri Hinton we Ýoşua Benjio super EA-ny döretmäge garşy çykyş etdi. Olar şeýle tehnologiýanyň howpsuzdygyna göz ýetirilýänçä, şeýle ulgamlary döretmegi bes etmäge çagyryş bilen açyk hata gol çekdi...

25.10.2025 15:34
1.3k+

Adaty gözleg ulgamlarynyň hereketi 2025-nji ýylda 25% pese düşdi

2025-nji ýylyň ikinji ýarymynda Google, Yahoo we Bing ýaly adaty gözleg ulgamlarynyň ýerine adamlar emeli aň esasly hyzmatlara has köp ýüz tutup başladylar. Ulanyjylar bu hyzmatlaryň has amatlydygyny, sebäbi onlarça linki açyp gözlemän, derrew taýýar jogap berýändigini belleýärler...

24.10.2025 09:38
1.6k+

Samsung täze Galaxy XR garniturasyny hödürledi: Apple-yňkydan iki esse arzan we Gemini bilen işleýär

Samsung kompaniýasy Galaxy XR garyşyk hakykat garniturasyny – Apple Vision Pro-nyň  Android-e esaslanýan bäsdeşini hödürledi. Garnitura Google we Qualcomm bilen hyzmatdaşlykda döredildi. Onuň bahasy 1800 dollar bolup, bu ýakynda hödürlenen M5 çipli Apple Vision Pro-dan ($3500) iki esse diýen ýaly arzandyr...