Indem Microsoft kazyýetde: kompaniýa emeli aňy türgenleşdirmek üçin bikanun göçürilen kitaplary ulanmakda aýyplanýar

  • 30.06.2025 11:03
  • 3.2k+

Birnäçe amerikaly ýazyjylar Nýu-Ýorkuň Federal kazyýetine Microsoft kompaniýasyna garşy şikaýat bilen ýüz tutdy. Olaryň aýtmagyna görä, kompaniýa «Megatron» atly dil modelini türgenleşdirmek üçin awtorlaryň rugsady bolmazdan, bikanun göçürilen sanly eserleriň nusgalaryny ulanýar. Bu barada «Reuters» agentligi habar berýär.

Şikaýatçylaryň arasynda Kaý Berd, Jia Tolentino, Deniel Okrent we beýlekiler bar. Kazyýet işinde aýdylyşyna görä, Microsoft awtorlaryň razylygy bolmazdan, takmynan, 200 müň kitaby öz içine alýan maglumat binýadyny ulanypdyr. Ýazyjylaryň pikirine görä, şol materiallar emeli aňa asyl eserleriň stiline öýkünip, olaryň leksikasyny, söz düzümini we temasyny gaýtalaýan tekstleri döretmäge mümkinçilik berýär. Olar muny awtorlyk hukuklarynyň bozulmagy hasaplaýarlar.
Bu şikaýat Kaliforniýadaky kazyýetiň şuňa meňzeş iş boýunça Anthropic kompaniýasy bilen baglanyşykly çykaran kararyndan bir gün soň berildi. Ol kazyýet işinde kazy tehnologik kompaniýanyň awtorlaryň rugsady bolmazdan çap edilen kitaplary ulanmagyna rugsat beripdi. Bu karar ABŞ-da şeýle ýagdaý boýunça ilkinji nusgalyk çözgüt boldy.
Ýazyjylar Microsoft-dan emeli aňy öz işleriniň esasynda türgenleşdirmegi bes etmegini we her bir eser üçin 150 müň dollara çenli öwez tölegini bermegini talap edýärler. Jemi ýetirilen zyýanyň möçberi entek kesgitlenmändir.
Microsoft-yň aklawçylary bu ýagdaý boýunça düşündiriş bermediler. Şikaýatçylaryň adwokaty hem bu işiň aýratynlyklaryny nazara alyp, teswir bermekden saklandy.


04.07.2025 12:19
6.1k+

Daniýa dünýäde ilkinji bolup raýatlaryny dipfeýkden goramak üçin kanun kabul etdi

Daniýa raýatlaryny dipfeýk tehnologiýasyndan goramak üçin giň gerimli kanunçylygy kabul eden ilkinji ýurt boldy. Täze kabul edilen kanun raýatlara öz sesine, daşky görnüşine hem-de sanly keşbine bolan aýratyn hukugy berýär diýip, «TechSpot» habar berýär...

03.07.2025 14:39
1.9k+

Windows ulanyjylarynyň sany üç ýylda 400 million azaldy

Microsoft korporasiýasy golaýda Windows ulgamynyň 1 milliarddan gowrak işjeň enjamda işleýändigini habar berdi diýip, «Forbes» ýazýar. Emma kompaniýanyň 2022-nji ýyl boýunça ýyllyk hasabatyna görä, bu görkeziji öň 1,4 milliarddan geçýärdi...

26.06.2025 18:32
4.2k+

ABŞ-nyň kazyýeti OpenAI-y hatda pozulan çatlary hem saklap galmaga borçlandyrdy. Bu ulanyjylarda howsala döredýär

Nýu-Ýorkyň Günorta okrugynyň Okrug kazyýeti OpenAI kompaniýasyny ChatGPT ulanyjylarynyň ähli gepleşiklerini, şol sanda öçürilen we anonim söhbetleri hem saklamaga borçlandyrdy. Bu karara garşy arz etmek synanyşyklary ret edildi diýip, Ars Technica neşiri habar berýär...

05.05.2025 16:12
2.8k+

Dubaý Microsoft bilen bilelikde ýarym milliard dollarlyk maglumat merkezini gurýar

Microsoft kompaniýasy bilen BAE-niň Du telekommunikasion operatory Dubaýda uly möçberli maglumat merkeziniň gurluşygyna başladylar. Taslamanyň bahasy 544 million dollar. Bu merkez Dubaýyň öňdebaryjy tehnologiýalary ornaşdyrmakdaky liderligini pugtalandyrar diýip, «TechRadar» habar berýär...