26-njy iýunda Northrop Grumman kompaniýasynyň ABŞ-nyň Ýuta ştatyndaky synag meýdançasynda «Artemis IX» Aý missiýasy üçin niýetlenen SLS raketasynyň täze gaty ýangyçly tizlendirijisiniň synagy geçirildi. Işe girizilmeginden iki minut hem geçmänkä we otlaýyş prosesiniň tamamlanmagyna on sekunt galanda, enjamyň soplosy döwlüp, ýangyn döredi.
Tizlendirijiniň özi partlamady we işlemegini dowam etdirdi.
Bu synag BOLE (Booster Obsolescence and Life Extension) maksatnamasynyň çäklerinde geçirildi. Bu maksatnama SLS (Space Launch System) raketa göterijileri üçin kämilleşdirilen tizlendirijileri döretmegi maksat edinýär. Täze görnüşli tizlendirijiler NASA-nyň öňki missiýalarynda ulanylan köne wersiýalaryň ýerine geçer.
Maglumatlara görä, bu soňky ýyllarda Northrop Grumman tarapyndan taýýarlanan tizlendirijilerde soplonyň döwülmegi bilen baglanyşykly ýüze çykan üçünji hadysadyr.
Häzirki wagtda bu wakanyň uzak möhletleýin netijelere getirip-getirmejegi belli däl. NASA-nyň häzirki býujeti «Artemis III» missiýasyndan soň SLS raketasyny ulanmakdan ýüz öwürmegi we has arzan göterijilere geçmegi göz öňünde tutýar. Umuman, ýüze çykan waka, ýagny soplonyň döwülmegi bu örän gymmat raketadan el çekmek üçin goşmaça sebäp hökmünde hem ulanylyp bilner.
