Amerikanyň Birleşen Ştatlarynda futbol boýunça Klublaýyn dünýä çempionatynyň toparçalaýyn tapgyrynyň 3-nji duşuşyklarynyň soňky oýun güni tamamlandy.
H toparyň jemleýji duşuşyklarynda Madridiň «Realy» «Zalsburgy» 3:0 hasaby bilen ýeňdi. Duşuşykda gollary Winisius Žunior, Federiko Walwerde we Gonsalo Garsiýa geçirdi. Şeýle hem Saud Arabystanynyň «Al-Hilýal» kluby Meksikanyň «Paçuka» toparyny 2:0 hasaby bilen ýeňip, ikinji orna çykdy.
Şeýlelikde, «Real» we «Al-Hilýal» toparlary pleý-off tapgyrynyň soňky gatnaşyjylary boldular. Bu netijeler bilen çempionatyň 1/8 final oýunlarynyň doly tertibi belli boldy:
1/8 final duşuşyklarynyň tertibi (Aşgabat wagty bilen):
- 28 iýun, 21:00 — Palmeýras (Braziliýa) — Botafogo (Braziliýa)
- 29 iýun, o1:00 — Benfika (Portugaliýa) — Çelsi (Angliýa)
- 29 iýun, 21:00 — Pari Sen-Žermen (Fransiýa) — Inter Maýami (ABŞ)
- 30 iýun, 01:00 — Flamengo (Braziliýa) — Bawariýa (Germaniýa)
- 1 iýul, 00:00 — Inter (Italiýa) — Fluminense (Braziliýa)
- 1 iýul, 06:00 — Mançester Siti (Angliýa) — Al-Hilal (Saud Arabystany)
- 2 iýul, 00:00 — Real (Ispaniýa) — Ýuwentus (Italiýa)
- 2 iýul, 04:00 — Borussiýa Dortmund (Germaniýa) — Monterreý (Meksika)
1/4 final tapgyrynyň tertibi şular ýaly dowam eder:
- «Palmeýras» — «Botafogo» duşuşygynyň ýeňijisi bilen «Benfika» — «Çelsi» duşuşygynyň ýeňijisi duşuşar.
- «PSŽ» — «Inter Maýami» bilen «Flamengo» — «Bawariýa» ýeňijileri oýnar we ş.m.
Çempionaty terk eden klublar:
Toparçalaýyn tapgyrdan soňra ýaryşy terk eden klublar:
- Ýewropa: Portu, Atletiko, Zalsburg
- Latyn Amerikasy: Boka Huniors, Riwer Pleýt (Argentina)
- ABŞ (MLS): Sietl Saunders, Los-Anjeles FC
