Magtymguly adyndaky Türkmen döwlet uniwersitetiniñ roman-german we gündogar dilleri fakultetiniň italýan dili we edebiýaty hünäriniň 4-nji ýyl talyby Bahar Aýdogdyýewa “Merkezi Aziýanyň iň gowy talyby” atly halkara bäsleşiginde I derejeli Diploma, döşe dakylýan nyşana we kuboga mynasyp boldy. Bu barada uniwersitetiň saýtynda habar berilýär.
Bäsleşik Gazagystanyň Astana şäherinde Gazagystanyň “Bilim Orkenieti” milli innowasiýa ylmy-gözleg merkezi hem-de “Žana Gazagystan” respublikan innowasion merkezi tarapyndan guralyp, internet arkaly geçirildi.
Halkara bäsleşigiň eminler topary türkmen talybynyñ ylma, sungata we döredijilige goşan goşantlaryna ýokary baha berdiler.
Bu halkara bäsleşiginde gazanylan ýeňiş bilen Bahar Aýdogdyýewa “Merkezi Aziýanyň iñ gowy talyplarynyň” hataryna goşuldy.
