Ed Şiran “Formula-1” (F1) sport dramasy üçin saundtrek bolan “Drive” aýdymyny çykardy. Aýdym eýýäm aýdym-saz platformalarynda elýeterli.
Ol premýerasy 27-nji iýunda ABŞ-da boljak film üçin saundtrekleriň resmi albomyna girer. Filmde baş keşbi Bred Pitt ýerine ýetirdi. Ol ýaş sürüji Joşua Pirsiň halypasy bolan öňki ýaryşa gatnaşyjy Sonni Heýsi oýnady.
Pittiň aýtmagyna görä, filme taýýarlyk üçin ol aktýor Demson Idris bilen bilelikde iki ýylda ýaryş awtomobillerinde 10 müň km töweregi ýol geçdi.
Häzirki wagtda Ed Şiran täze Play albomynyň üstünde işleýär. Onuň relizi 12-nji sentýabra meýilleşdirilýär. Bu albom onuň matematiki nyşanlar boýunça atlandyrylan öňki “Plus”, “Multiply”, “Divide”, “Subtract” we “Equals” albomlarynyň tapgyryny tamamlar. Täze taslama sazandada 18 ýaşda dörän pikirden ylham aldy we “Play”, “Pause”, “Fast Forward”, “Rewind” we “Stop” bölümlerini öz içine alar.
“Play” – bu durmuşymyň iň garaňky döwrüne göni jogap hökmünde döredilen albom. Bu ýagdaýdan çykmak bilen, men diňe şatlyk döretmek hem-de baran ýurtlarymyň medeniýetini öwrenmek isledim” – diýip, aýdymçy aýtdy.
