Gazagystanly tennisçi Aleksandr Bublik Gallede (Germaniýa) geçirilen ATP 500 ýaryşynyň ýeňijisi boldy. Finalda ol russiýaly Daniil Medwedewi 6:3, 7:6 hasabynda utdy. Duşuşyk 1 sagat 21 minut dowam etdi.
Bu Bubligiň Galledäki ýaryşda 2023-nji ýyldaky ýeňşinden soň ikinji ýeňşi boldy. Bu üstünligi netijesinde ol dünýä reýtinginiň ilkinji 30 oýunçysynyň arasyna gaýdyp geldi. Medwedew ýeňlişine garamazdan, 11-nji orundan 9-njy orna çykdy. Galledäki final onuň üçin soňky iki ýylda altynjy utulan finaly boldy.
Titul üçin Bublik dörtden bir finalda dünýäniň birinji raketkasy italiýaly Ýannik Sinneri utdy.
Bublik üçin möwsüm üstünlikli geçýär. Maý aýynda ol Turinde toprak kortda geçirilen “çellenjer” ýaryşynda ýeňiş gazandy. Mundan başga-da, “Rolan Garros-2025-de” dörtden bir finala çykyp, bu ýaryşda şeýle netijä ýetmegi başaran Gazagystandan ilkinji tennisçi boldy.
Ýaryşyň baýrak gaznasy 2,5 mln ýewro barabar.
