BMW-niň öňki dizaýnerinden täze Xiaomi YU7 elektrokrossoweri çykmaga taýýarlanýar

  • 20.06.2025 09:48
  • 3.6k+

Xiaomi müşderilere ikinji awtomobilini – YU7 modelini hödürlemäge taýýarlanýar. Önümçilik eýýäm başlady we müňlerçe ulag Pekiniň Içžuan sebitindäki Xiaomi-niň zawodynda taýýar dur. Üpjünçilik iýul aýynda başlap biler.

YU7 awtomobili SU7 modeli ýaly BMW-niň öňki dizaýneri Týanýuan Liniň ýolbaşçylygyndaky topar tarapyndan işlenip taýýarlandy. Awtomobiliň uzynlygy, takmynan, 4,8 metre barabar. Ulag SU7 sedany bilen bir umumy Modena platformasynda gurnaldy hem-de birmeňzeş arhitektura we sanly ulgamlar bilen üpjün edildi.
Awtomobil has beýik klirense, giň salona we üçegiň beýikligi netijesinde has rahat yzky hatara eýe boldy.
Öňdäki elektrik hereketlendirijisi 145 kWt kuwwaty, yzky – 220 kWt berýär, bu umumylykda 365 kWt (489 at güýji) deňdir. Iň ýokary wersiýa öňde 220 kWt we yzda 285 kWt – umumylykda 508 kWt (681 at güýji) kuwwatly hereketlendiriji bilen üpjün edildi.
YU7 elektromobili BYD we CATL kompaniýalarynyň litiý-ion akkumulýatorlary bilen enjamlaşdyryldy.
Mediaulgam Xiaomi-den HyperOS operasion ulgamynda we Snapdragon 8295 prosessorynda işleýär. Maglumat-dynç alyş ulgamynyň merkezi sensor ekranynyň diagonaly 16,1 dýuýma barabar.
Sürüjä kömek ulgamy üçin Nvidia Drive Orin çibi ulanylýar, Xiaomi Pilot Pro ulgamy bolsa L2+ derejeli funksiýany üpjün edýär. Awtomobil töwerekleýin syn ediş kameralary, lidar we ultrases datçikleri bilen enjamlaşdyryldy.
YU7-niň SU7-den arzan bolmagyna garaşylýar we ol Tesla Model Y bilen bäsleşip biler.


düýn 00:43
2.1k+

Xiaomi taryhda iň kuwwatly elektrokrossoweri – 1500 at güýjüni aljak YU7 GT-ni taýýarlaýar

Nýurburgring ýolunda Xiaomi-niň synaglardan geçýän täze elektrik krossoweri göründi. Suratlardan görnüşi ýaly, bu YU7 modeliniň YU7 GT adyny aljak ýokary öndürijilikli wersiýasy bolmaly. Awtomobil SU7 Ultra-nyň üç hereketlendirijili platformasynda guruldy...

27.10.2025 09:24
3.3k+

BYD-yň giperkary Nýurburgringde Xiaomi SU7-niň rekordyny täzeledi

BYD konserni Yangwang U9 Xtreme (U9X) elektrik giperkarynyň täze üstünligi barada habar berdi. Kupe Nýurburgring ýolunyň 20,8 kilometrini 6 minut 59,157 sekuntda geçdi. Bu Xiaomi SU7 Ultra sedanyndan 6 sekunt diýen ýaly tizdir...

26.10.2025 09:37
5.1k+

Tesla-nyň düşewündi rekord girdejä garamazdan 37% azaldy

Tesla 2025-nji ýylyň üçünji çärýegi üçin maliýe hasabatyny hödürledi. Kompaniýanyň arassa girdejisi 37% azalyp, 1,4 mlrd dollar boldy, ýöne girdeji bir ýyl ozalkydan 12% ýokarlanyp, 28 mlrd dollara ýetdi. Öndüriji rekord satuw barada hem habar berdi...

25.10.2025 11:28
4k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...