Instagram ulanyjylary eýýäm birnäçe hepde bäri akkauntlaryň açyk sebäp bolmazdan köpçülikleýin petiklenmeginden zeýrenýär. Köpler muny emeli aňa esaslanýan ulgamyň işinde bolup biljek bökdençlikler bilen baglanyşdyrýar.
Akkauntlaryň duýsansyz petiklenmegi baradaky habarlar Reddit we X sosial ulgamlarynda yzygiderli goýulýar. Şeýle ýagdaýa düşenleriň käbiri hatda şikaýat bilen ýüz tutup, şahsyýetini tassyklaýan resminamalary ýükledi, ýöne administrasiýadan jogap almady. Bellenilişi ýaly, tehniki goldawa başga ýol bilen ýüz tutmak mümkin däl.
“Men birnäçe arza iberdim, şahsyýetimi tassyklaýan resminamany ýükledim we resmi kanallar boýunça Meta bilen habarlaşmaga synanyşdym, ýöne maňa ähmiýet berilmedi. Men boş ýere gygyrýan ýaly duýgy döreýär” – diýip, ulanyjylaryň biri Reddit-de ýazdy.
Meta heniz bu şikaýatlar babatda resmi bildiriş etmedi.
change.org saýtynda eýýäm 4500-den gowrak gol ýygnan haýyşnama ýerleşdirildi. Ulanyjylar hatda akkauntlaryna girmegiň sebäpsiz togtadylandygy sebäpli kompaniýa garşy toparlaýyn şikaýat arzasyny bermegi hem göz öňünde tutýar.
