Tramp kriptowalýutadan we öz ady bolan harytlaryň satuwyndan millionlarça dollar gazandy

  • 17.06.2025 14:18
  • 9k+

ABŞ-nyň Prezidenti Donald Tramp kriptowalýutadan 57 million dollardan gowrak we öz ady bolan dürli harytlaryň satuwyndan ýene-de millionlarça dollar gazandy. Bu barada Ak tam tarapyndan hödürlenen maliýe deklarasiýasyna salgylanyp, Reuters habar berýär.

Kriptowalýutadan gelen girdeji World Liberty Financial taslamasy bilen baglanyşyklydyr, onda Trampyň ogullary Erik Tramp we Donald Tramp kiçi möhüm orunlary eýeleýär. Bu deklarasiýada görkezilen esasy girdeji çeşmeleriniň biridir. Reuters Trampyň bu işe gatnaşmagynyň gaýry bähbitlerde aýyplamalara getirip biljekdigini belleýär.
Resminama görä, ABŞ-nyň Prezidentiniň gazanjy şeýle görnüşde:

  • ·$3 mln – Save America (“Amerikany halas etmek”) kitabynyň satuwyndan;
  • ·$2,5 mln – krossowka we atyr satuwyndan;
  • ·$2,8 mln – sagat satuwyndan;
  • ·$1,3 mln – Injiliň ýörite nusgalarynyň satuwyndan;
  • ·$1,05 mln – gitara satuwyndan.

Trampyň resminamada görkezilen umumy girdejisi 600 mln dollardan geçdi. Oňa kriptowalýutadan, golf klublaryndan, ygtyýarnamalardan we beýleki aktiwlerden gelen girdejiler girýär. Mundan başga-da, onuň daşary aktiwleri, mysal üçin, Russiýada hasaba alnan Trump, Trump Tower we Trump International Hotel and Tower markalary bar. Olaryň esasy işi gozgalmaýan emläk we myhmanhana işi bilen baglanyşyklydyr.
Reuters agentliginiň hasaplamagyna görä, Prezidentiň aktiwleriniň umumy bahasy azyndan 1,6 mlrd dollara barabar. Deklarasiýada girdejiniň alnan döwri görkezilmeýär, ýöne agentlik resminamanyň 2024-nji ýyly öz içine alýandygyny we täze kripto-taslamalardan alnan girdejileriň bir bölegini göz öňünde tutmaýandygyny çaklaýar.


13.08.2025 15:57
6.3k+

Samsung ABŞ-daky çip zawodlaryna maýa goýumlaryny 35%, ýagny 50 milliard dollara çenli artdyrar

Samsung ABŞ-da çip öndürmeklige ozal meýilleşdirilen 37 milliard dollara derek, takmynan, 50 milliard dollar maýa goýmagy meýilleşdirýär. Bu barada Günorta Koreýanyň SEDaily neşiri habar berýär. Neşiriň habar bermegine görä, kompaniýa ýarymgeçiriji önümlerini import etmekde 100 göterimli amerikan paçlaryndan boşadylmagyna garaşýar...

07.08.2025 12:58
4.6k+

Tesla Mask üçin täze 29 milliard dollarlyk bonusy tassyklady

Tesla öz esaslandyryjysy we baş direktory Ilon Maska 96 million paýnamanyň berilmegini tassyklady. Häzirki bazar bahalarynda olaryň bahasy 29 milliard dollardan geçýär. Bu barada kompaniýanyň paýdarlara ýazan hatynda aýdylýar...

13.07.2025 18:32
5.6k+

ABŞ-dan Merck derman öndüriji ägirdi $10 mlrd-a Britaniýanyň Verona Pharma-syny satyn alýar

Amerikanyň Merck derman öndüriji kompaniýasy Britaniýanyň dem alyş ýollarynyň keselleriniň dermanlaryny öndüriji Verona Pharma-ny satyn alýar. Merkiň metbugat beýanatynda geleşigiň bahasynyň takmynan 10 milliard dollar töweregi boljakdygy habar berilýär...

11.07.2025 01:30
4.2k+

ABŞ-nyň tehnologiýa kompaniýalary ýarym ýylda 94 000 işgäri EA bilen çalyşdy

2025-nji ýylyň başyndan bäri amerikan tehnologiýa kompaniýalary emeli aň çözgütleriniň ornaşdyrylmagy sebäpli 94 000 töweregi işgäri işden çykardy. Resmi statistika maglumatlaryna görä, iş prosesleriniň awtomatizirlenmegi köpçülikleýin işden çykarmalaryň esasy sebäbi boldy...