Toyota robotlar we EA bolan dünýäde ilkinji synag şäherini açmaga taýýarlanýar

  • 15.06.2025 12:42
  • 6.1k+

Toyota kompaniýasy özboluşly  taslamany – Woven City atly dünýäde ilkinji akylly şäheri işe girizmäge taýýarlanýar. Onuň açylyşy şu ýylyň güýzüne meýilleşdirildi diýip, Interesting Engineering habar berýär.

Şäher Tokiodan 140 km uzaklykda, Sidzuoka prefekturasyndaky öňki Higasi-Fudzi zawodynyň ýerinde döredilýär. Şäheriň meýdany 175 akra barabar.
Woven City geljegiň tehnologiýalaryny barlamak üçin synag meýdançasy bolar. Onda robotlar, awtonom ulaglar we emeli aň bir bitewi ulgam ýaly bilelikde hereket edip, gündelik durmuşyň bir bölegine öwrüler.
Şäheriň ilkinji ýaşaýjylary Toyota-nyň 100-e golaý işgäri we olaryň maşgalalary bolar. Ýakyn ýyllarda olaryň sany 360 adama, soňra 2000-e ýeter.
Şäheriň ulag ulgamy Olimpiada-2020 üçin döredilen e-Palette sürüjisiz elektromobillerine esaslanýar. Ýollar üç kategoriýa bölündi: pyýadalar, welosipedçiler we robotaksiler üçin.
Ähli binalar datçikler bilen enjamlaşdyrylar. Elektrik energiýasy bilen wodorod enjamlary we Gün panelleri üpjün eder. Şäherde suwy we galyndylary gaýtadan işlemek tehnologiýalary ornaşdyrylar. Kömekçi robotlar hojalyk ýumuşlaryny ýerine ýetirer, emeli aň bolsa ýaşaýjylaryň saglygyna gözegçilik eder, energiýa sarp edilişini dolandyrar we ýerasty tunneller arkaly ýükleri eltip berer.
Şäheriň ähli elementleri bir umumy ulgama birikdirilen bolup, bu maglumatlary ýygnamaga, intellektual tehnologiýalary hakyky durmuşda synagdan geçirmäge mümkinçilik berýär.

“Biz tehnologiýalaryň ýaşaýşy has rahat we ekologiýa taýdan arassa edýän şäherini döredýäris. Woven City bütin dünýäde megapolisleriň keşbini üýtgedip biljek innowasiýalar üçin synag meýdançasy bolar” – diýip, Toyota-nyň başlygy Akio Toýoda belledi.

Häzirlikçe şäher syýahatçylar üçin ýapyk. Kompaniýa ony myhmanlar üçin 2026-njy ýylda açmagy meýilleşdirýär.


10.07.2025 23:37
6.7k+

Lexus Toyota-nyň ýolbaşçysynyň hormatyna atlandyrylan krossowerini diňe lotereýa esasynda berýär

Lexus Ýaponiýada LBX Morizo RR Original Edition krossoweriniň çäkli nusgasyny çykarar, onuň bary-ýogy 100 sanysy bolar. Olary diňe lotereýanyň ýeňijileri satyn alyp biler, lotereýa gatnaşmak üçin sargytlar dilerlik merkezlerinde kabul ediler diýip, Ýaponiýanyň habar beriş serişdeleri habar berýär...

09.07.2025 14:00
10k+

Toyota düýbünden täze benzin hereketlendirijilerini hödürledi: öňküden ýeňil hem kuwwatly

Toyota zyňyndylary azaltmaklyga we kuwwatyny ýitirmezden, ýangyç tygşytlylygyny ýokarlandyrmaklyga gönükdirilip döredilen benzin hereketlendirijileriniň täze maşgalasyny hödürledi. Bu işläp taýýarlama entek doly elektrikli ulaglara geçmäge taýyn bolmadyk sürüjilere niýetlenendir...

07.07.2025 14:19
6.4k+

Hyundai täze Elantra we Tucson modellerine «PLEOS Connect» atly emeli aňly öz multimedia ulgamyny ornaşdyrar

Hyundai Motor Group täze Elantra we Tucson modellerinde PLEOS Connect atly multimedia ulgamyny hödürlär. Bu kompaniýanyň «programmalaýyn kesgitlenýän awtoulaglar» (SDV – software-defined vehicle) üçin niýetlenen ilkinji özboluşly programma platformasydyr...

06.07.2025 20:08
9.4k+

Täzelenen Toyota HiLux ilkinji gezek rozetkadan zarýad alýan görnüşde we 8 basgançakly karobka bilen çykar

Toyota kompaniýasy HiLux pikabynyň täze plagin gibrid (PHEV) wersiýasyny taýýarlaýar. Ýapon çeşmeleriň ýazmagyna görä, bu modeliň elektrikleşdirilmegine gönükdirilen ilkinji ädim bolar we Ford Ranger PHEV hem-de BYD Shark 6 ýaly bäsdeşlere gönüden-göni jogap hökmünde çykarylar...