Lafboro uniwersitetiniň (Beýik Britaniýa) fizikleri uzynlygy 35 mikron we ini 13 mikron bolan skripkanyň şekilini döretdiler, bu adam saçynyň tarynyň galyňlygyndan ýa-da tihohodkanyň ululygyndanam kiçi diýmekdir. Şeýle skripkany çalmak mümkin däl hem bolsa, nanolitografiýa pudagyndaky iň ösen synaglara bagyşlanan barlagyň netijesine görä, bu iş çynlakaý ylmy ähmiýete eýedir.
Saçyň tary (çepde) we skripkanyň şekili (sagda)
Taslamanyň gidişinde hünärmenler terminal skanirleýän zond litografiýasy üçin gurluş bolan NanoFrazor-dan peýdalandy. Ol gyzdyrylanda materiallara nanogöwrümli nagyşlary salýan iňňeli uçluk bilen enjamlaşdyrylan. Onuň kömegi bilen alymlar skripkanyň kiçijik şekilini çekdiler, soňra ony platina bilen örtdüler. Ýörite enjam bolmasa ony görmek mümkin däl - skripkanyň tozan bölejiginden tapawudy ýok.
Alymlar nanolitografiýa tehnologiýasynyň mikroçipleriň geljekki nesillerini döretmekde möhüm rol oýnap, hasaplaýyş we energiýa ulgamlarynyň netijeliligini ýokarlandyrjakdygyna ynanýarlar.
