NASA-nyň Reaktiw hereket laboratoriýasynyň (JPL) inženerleri Europa Lander robotynyň prototipini (nusgasyny) görkezdiler. Hünärmenler bu işläp düzmäniň üstünde 10 ýyl bäri işleýärler diýip, Science Robotics žurnalyna salgylanýan Phys.org ýazýar.
Europa Lander - bu Ýupiteriň hemrasy Ýewropadaky buzasty ummany öwrenmek üçin döredilen bölekleýin özbaşdak maşyn. Apparat buzuň üstünde hereket etmäge mümkinçilik berýän dört diregli burawdyr. Beýleki apparatlardan tapawutlylykda, ol sürülmeýär-de, ýöne ädimläp ýöreýär. Şeýle hem ol buzy burawlamaga ukyply.
Ýewropa Ýupiteriň dört galileý hemrasynyň biridir. Onuň 30 km töweregi galyňlykdaky buz gabygynyň aşagynda ummanyň bardygy çaklanylýar. Alymlar şeýle şertlerde ýaşaýşyň bolup biljekdigine ynanýarlar.
Robot LED yşyklandyryjyly stereo kamera, nusgalary ýygnamak üçin manipulýator we özbaşdak işlemegi üpjün edýän bort kompýuteri bilen enjamlaşdyrylandyr. Onuň elementleri radiasiýadan goralýar we nätekiz ýerlerde hereket etmek üçin niýetlenendir.
Robot, beýleki ýerler bilen bir hatarda, Alýaskanyň buzluklarynda hem synag edildi. Inženerleriň sözlerine görä, simulýasiýa apparatyň kosmos uçuşlaryna taýyndygyny görkezdi. Şeýle-de bolsa, NASA missiýany töwekgelçilikli hasaplaýar, şonuň üçin robot entek hiç ýere iberilmedi.
Inženerler topary Europa Lander-i Saturnyň hemrasy Enseladede ulanmagy teklip etdi. Ol ýerdäki şertler missiýa üçin has amatly bolup biler.
