Simone Indzagi ikitaraplaýyn ylalaşyk esasynda “Interiň” baş tälimçisi wezipesini terk etdi. Maglumat italýan klubunyň resmi saýtynda tassyklandy.
Indzagi “Intere” 2021-nji ýylyň tomsundan bäri ýolbaşçylyk etdi. Üç möwsümiň dowamynda ol topar bilen alty kubok gazandy: Italiýanyň çempionaty, iki Kubogy we üç Superkubogy. Tamamlanan möwsümde Milan kluby çempionatda ikinji orny eýeledi we Çempionlar ligasynyň finalynda “Pari Sen-Žermenden” utuldy (0:5).
“Men klubuň adyndan Simone Indzagä bitiren işleri, görkezen hyjuwy hem-de umumy aýrylyşmak çözgüdine getiren şu günki ýygnakda açykgöwünliligi üçin minnetdarlyk bildirmek isleýärin” – diýip, klubuň prezidenti Juzeppe Marotta belledi.
“Interde” işlemezden öň, 49 ýaşly hünärmen “Lasio” tälimçilik etdi we onuň bilen 2017-nji hem 2019-njy ýyllarda Italiýanyň Superkubogyny, şeýle-de 2019-njy ýylda Italiýanyň Kubogyny gazandy.
Ozal insaýder Fabrisio Romano Indzaginiň “Al-Hilýal” saud klubuna tälimçi bolup biljekdigini habar berdi.
