Germaniýada 20 müň töweregi adam Ikinji jahan urşy döwrüniň ok-därileriniň tapylmagy sebäpli ewakuasiýa ediler. Bu barada ýerli administrasiýa salgylanyp, Bild habar berýär.
2-nji iýunda Kýolnyň Doýs sebitinde alnyp barlan geologiki işleriň dowamynda hünärmenler üç amerikan awiabombasyny tapdy. 4-nji iýunda olary zyýansyzlandyrmak boýunça işler meýilleşdirilýär. Häkimiýetleriň maglumatlary boýunça, ewakuasiýa 1945-nji ýyldan bäri şäherde iň uly ewakuasiýalaryň biri bolar.
Belläp geçsek, Kýoln uruş ýyllary howa hüjümlerinden güýçli zyýan çekdi.
Ewakuasiýa zolagy şäher infrastrukturasynyň möhüm desgalaryny öz içine alýar. Demirýol menzili, şäher edarasy, hassahana, iki garrylar öýi, birnäçe mekdepler we çagalar baglary, şeýle-de RTL teleradiokompaniýasy wagtlaýyn ýapylar. Mundan başga-da, Reýn derýasynyň üsti bilen geçýän üç köpri ýapylar.
Şäheriň belli nyşany – Kýoln ybadathanasy çäklendirilen zolaga girmez.
