Nike we LEGO bilelikdäki kolleksiýasyndan ilkinji krossowka modelini – Air Max Dn-i hödürledi. Ol 2025-nji ýylyň awgustynda satuwa çykar diýip, Sneaker Bar Detroit habar berýär.
Bu brendleriň döredijilik bilen işjeň durmuş ýörelgesini utgaşdyrmaga gönükdirilen köpýyllyk hyzmatdaşlygynyň çäklerinde ilkinji model boldy.
Model doýgun sary reňkde (Tour Yellow) ýerine ýetirildi. Onuň üsti Lego kerpiçjikleriniň gurluşyna meňzeýär. Krossowkanyň dilinde LEGO logotipi ýerleşdirilen, Air Max “howa ýassyklarynyň” içinde bolsa mini-şekiller bar.
Krossowka ilkinji gezek 2024-nji ýylda Air Max Day-de hödürlenen Air Max Dn amortizasiýa ulgamy bilen üpjün edildi. Bu aýakgaby rahat edip, aýaga we damarlara agram düşmekden goraýar.
Topluma LEGO böleklerini saklamak üçin ýörite ýeri bolan firma gutusy girýär.
Krossowka jübütiniň çen-takmyn bahasy – 155 dollar.
Nike we Lego köpýyllyk hyzmatdaşlyk barada geçen ýyl şertnama baglaşdy. Hyzmatdaşlyk iki kompaniýanyň hem ýaş auditoriýasynyň ünsüni çekmäge gönükdirilendir.
