“LEGO Group” Universal kompaniýasy bilen bilelikde "Şrek" multfilminiň äheňindäki taryhda ilkinji resmi konstruktor toplumlaryny tanyşdyrdy. Kolleksiýanyň çykarylmagy asyl animasion filmiň geljekki 25 ýyllygyna bagyşlanýar.
Bu seriýa iki sany toplumy öz içine alýar. Birinjisi — 1 403 bölekden ybarat bolan "LEGO Shrek, Donkey & Puss in Boots" uly göwrümli kolleksiýa dioramasy. Bahasy 130 dollar bolan bu toplum, "Beware Ogre!" (Ägä bol, OGR!) ýazgyly tablisasy bolan batgalygyň jikme-jik modelini emele getirýär.
Topluma Şregiň we Eşegiň ýygnalýan figurajyklary, Ädikli pişigiň minifigurasy, şeýle hem meşhur aksessuarlar: sogan we gök gül girýär. Baş gahrymanyň figurasynyň içinde bolsa ýörite sowgatlar ýerleşdirilipdir. Satuwyň ilkinji tapgyrynda bu toplum diňe LEGO dükanlarynda elýeterli bolar.
Ikinji täzelik bolsa 259 bölekden ybarat bolan "LEGO BrickHeadz: Shrek, Donkey & Gingy" toplumy boldy. Alyjylar 25 dollara Şregiň, Eşegiň we Kökejigiň özüne çekiji kwadrat stildäki figuralaryny satyn alyp bilerler. Bu toplum hem kiçijik duýduryş tablisasy bilen doldurylýar.
Iki toplum üçin hem deslapky sargytlar eýýäm açyk. Resmi satuwlaryň başlangyjy 2026-njy ýylyň 1-nji iýunyna meýilleşdirildi.
