«Güneşli» çagalar we ýetginjekler merkeziniň çäginde ýerleşdiriljek Türkmenistanyň Bazar Amanow adyndaky Döwlet çagalar kitaphanasynda teleskop arkaly asman giňişligini synlamaga niýetlenen obserwatoriýa otagy gurnalar. Kitaphana şeýle hem döwrebap sanly tehnologiýalar we enjamlar bilen enjamlaşdyrylar.
Türkmenistanyň Bilim ministrligine bu ugurda degişli şertnamany baglaşmaga ygtyýar berýän Karara Türkmenistanyň Prezidenti gol çekdi.
Bellenilişi ýaly, bu işler Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň serişdeleriniň hasabyna amala aşyrylar.
«Güneşli» çagalar we ýetginjekler merkeziniň gurluşyk işlerine şu ýylyň iýun aýynda başlanyp, 2027-nji ýylyň maý aýynda ulanmaga doly taýýar ediler.
