“Liwerpulyň” baş tälimçisi Arne Slot Menejerler assosiasiýasy (LMA) tarapyndan ýylyň tälimçisi diýlip ykrar edildi. Ol “Mançester Ýunaýtediň” öňki tälimçisi Aleks Fergýusonyň hormatyna atlandyrylan baýragy aldy.
Baýragyň gowşurylyş dabarasy, 27-nji maýda, sişenbe güni JW Marriott Grosvenor House London myhmanhanasynda geçirildi. Bu baýragyň 33-nji ýyllyk gowşurylyşy boldy.
Soňky gezek “Liwerpulyň” tälimçisi 2021/2022 möwsüminiň jemi boýunça bu baýraga dalaşgär bolupdy. Şol wagt topar Ýurgen Kloppyň ýolbaşçylygynda 92 utuk gazanyp, ikinji orny eýeledi. Şeýle-de, Klopp “Liwerpul” 2019/2020 möwsüminde Premýer-ligada ýeňiş gazanandan soň baýragyň eýesi boldy.
Şeýle baýraklaryň sany boýunça rekord Aleks Fergýusonyň özüne degişlidir – ol ony 11 gezek aldy.
2024/2025 möwsüminde “Liwerpul” Slotuň ýolbaşçylygynda 38 oýunda 84 utuk gazanyp, Angliýanyň çempiony boldy. Topar ikinji orny eýelän “Arsenaldan” 10 utuk öňe geçdi.
