24-nji maýda «LASCO» teleskoplarynyň biri Günüň golaýynda «alawly yzy» bolan guşa meňzeş jisimi bellige aldy. Ol Günüň ýüzünden, takmynan, 2 million kilometr beýiklikdedi.
Onuň «ganatynyň» uzynlygy, takmynan, 150 müň kilometre ýetýär. Eger bu optiki effekt däl-de, fiziki jisim bolsa, onda onuň ululygy Ýer şaryndan, takmynan, 10 esse uludyr.
Russiýanyň Ylymlar akademiýasynyň Kosmos gözlegleri instituty bu gurluşyň diňe bir kadrda görünýändigini habar berdi. Ondan 10 minut öň we soň düşürilen suratlarda bu şekil ýok.
Suratdaky zadyň nämedigi häzirlikçe düşnüksiz. Alymlaryň pikirine görä, bu Günüň täjinde emele gelen çylşyrymly plazmaly gurluş bolup biler. Ol magnit meýdanlarynyň täsiri ýa-da koronal massanyň zyňylmagy bilen baglanyşykly bolup biler.
Başga çaklamalar hem bar. Meselem, bu optiki artefakt, geçip barýan kometa ýa-da bize mälim bolmadyk Gün hadysasy bolup biler. Takyk düşündiriş bermek üçin, hünärmenler beýleki kosmos gurallaryndan alnan maglumatlary öwrenmegi meýilleşdirýärler.
