Hyundai Motor Group Günorta Koreýada elektromobil zarýady üçin awtomatik robotlar bilen programmany işe girizdi. Olar zarýad kabelini awtomobile özbaşdak birikdirmek üçin emeli aňy we 3D kamerany ulanýar. Zarýad portunyň ýerini kesgitlemekde ýalňyşlyk 10 mm-den hem azdyr.
Häzir robotlar Inçhon halkara howa menziliniň çäginde işleýär we olar bu ýerde DC zarýad berijilerini birikdirýär. Olar kabeli aýyrmakdan birikdirmäge çenli ähli amallary adam gatnaşmazdan ýerine ýetirýär. Robotlar Selsiý boýunça -15 gradusdan +60 gradusa çenli temperaturada işleýär, bu hem olary dürli howa şertleri üçin laýyk edýär.
Taslama Tesla-nyň on ýyl mundan ozal hödürlän pikiriniň ösdürilmegi boldy. Amerikan kompaniýasy meýilleşdirýärkä, Hyundai ilkinji bolup tehnologiýany iş ýüzünde görkezýär. Kompaniýa robotlary giňişligiň çäkli bolan ýerlerinde, mysal üçin, ýerasty awtoduralgalarda ulanmagy göz öňünde tutýar.
