Fransiýanyň Alpes Maritimes departamentinde elektrik energiýasy öçdi. Blekaut 78-nji Halkara kinofestiwalynyň geçirilýän Kann şäherine-de täsir etdi diýip, Deadline habar berýär.
FranceInfo-nyň polisiýa işgärlerine salgylanyp habar bermegine görä, munuň sebäbi ýokary woltly liniýalardaky heläkçilik boldy. Hukuk goraýjylar diwersiýa mümkinçiligini hem inkär etmeýär. “Elektrik energiýasynyň öçmegine getiren iki betniýetli hereketiň biri” Tanneron kommunasyndaky (War departamenti) ýokary woltly podstansiýanyň ýakylmagy boldy.
Kannda 78-nji ýyllyk halkara kinofestiwaly geçirildi. Kino tankytçylary filmleriň görkezilişiniň kesilendigini habar berdi.
Deadline neşiri çyranyň tutuş şäher boýunça öçendigini belleýär: dükanlarda we restoranlarda garaňky, töleg diňe nagt görnüşde mümkin, ýolyşyklar işlemeýär we internet bökdeýär. Screen Daily-nyň maglumatlaryna görä, tok köp kinozallarda hem öçdi.
Festiwalyň wekili Variety neşirine Festiwallar köşgüniň awtonom elektrik üpjünçiligine geçendigini we ýapylyş dabarasynyň “meýilleşdirilişi ýaly geçiriljekdigini” habar berýär. Cineum kinoteatrynda görkeziliş wagtlaýyn togtadyldy we elektrik energiýasy bolan ýagdaýynda dikeldiler.
