Maý aýynyň 22-ne geçilýän gije bitkoiniň bahasy ilkinji gezek 110 müň dollardan geçdi. Muňa «Binance» kriptobiržasynyň maglumatlary şaýatlyk edýär.
Aşgabat wagty bilen sagat 8:45-de bitkoiniň bahasy iň ýokary derejesine – 111müň 880 dollara ýetdi. Soňra nyrh birneme pese düşdi.
Aprel aýynyň başynda kriptowalýutanyň bahasy 75 müň dollardan aşak düşüpdi. Bu ýagdaý ABŞ-nyň prezidenti Donald Trampyň giň möçberli gümrük paçlaryny girizmek baradaky meýilnamalarynyň gazna bazarlarynda güýçli pese gaçyşa sebäp bolmagy bilen baglanyşyklydy.
«RBK-nyň» bellemegine görä, paçlar bilen baglanyşykly karar yzyna süýşürilenden soň, bitkoiniň bahasy ýene ýokarlanyp başlady.
