Amerikaly aktýor Denzel Waşingtona Kann kinofestiwalynda “Altyn palma şahasy” hormat baýragy berildi. Dabara bäsleşikden daşary görkezilen Spaýk Liniň “Jennet we dowzah” (Рай и ад) filminiň premýerasy wagtynda geçirildi.
Baýrak Waşington üçin garaşylmadyk ýagdaýda boldy. Adatça, festiwal “Altyn palma şahasy” hormat baýragynyň gowşuryljakdygy barada öňünden duýdurýar, ýöne bu gezek maglumat soňky pursata çenli mälim edilmedi.
“Jennet we dowzah” filminde Waşington aýdym-saz leýbliniň ýolbaşçysynyň keşbini ýerine ýetirýär. Onuň gahrymany ýönekeý bolmadyk saýlaw bilen ýüzbe-ýüz bolýar – öz kömekçisiniň ogluny ogurlanlara töleg bermelimi ýa-da ýok.
Skaýp Liniň filmi ýaponiýaly nusgawy režissýor Akira Kurosawanyň adybir trilleriniň remeýkidir. Filme Jeffri Raýt, Din Uinters, repçi A$AP Rocky we beýlekiler gatnaşdy.
