Hyundai IONIQ 6 elektrik sedanynyň Ýewropadaky bahasyny ep-esli arzanlatdy. Light-yň esasy komplektasiýadaky modeli indi maliýeleşdirilen ýagdaýynda 27 310 ýewro durýar. Bu öňküsinden 21 490 ýewro arzan we adaty benzinli C derejeli hetçbekleriň bahasyna laýyk gelýär.
IONIQ 6 E-GMP platformasynda guruldy. Awtoulag üç görnüşde: yzky tekerleri hereketli we 151 at güýçli, şeýle hem kuwwaty 325 at güýjüne çenli bolan ähli tekerleri hereketli görnüşde elýeterli. WLTP sikline görä, aňrybaş ýöreýiş ätiýaçlygy 614 km.
Çalt zarýad beriş ulgamy batareýany bary-ýogy 16 minutda 10-dan 80%-e çenli güýçlendirmäge mümkinçilik berýär. Zarýad beriş güýji - 233 kWt-a çenli.
Esasy komplektasiýada-da sedan LED faralar, 18 dýuýmlyk tekerler, iki sany 12,3 dýuýmlyk ekran, Apple CarPlay we Android Auto goldawy, simsiz zarýad beriş ulgamy, howa-gözegçilik ulgamy we elektron kömekçileriň doly toplumy bilen enjamlaşdyrylandyr. Bularyň arasynda adaptiw kruiz dolandyryşy we awtomatiki tormoz tutuş ulgamy bar.
Şeýle hem model 3,6 kWt güýji bolan daşarky enjamlary birikdirmäge mümkinçilik berýän Plug & Charge we V2L funksiýalaryny goldaýar. Ýükdanyň göwrümi - 401 litr. Içi giň salonly.
