“Red Bull” toparynyň niderlandly sürüjisi Maks Werstappen “Formula-1” çempionatynyň ýedinji tapgyry bolan Emiliýa-Romanýanyň Gran-prisinde ýeňiji boldy. Ýaryş Italiýanyň Imola şäherinde geçirildi.
Pellehana ikinji bolup “Maklarenden” britaniýaly Lando Norris geldi. Ol Werstappenden 6,109 sekunt yza galdy. Üçünji bolup pellehana onuň topardaşy awstraliýaly Oskar Piastri geldi (+12,956).
Şeýle-de, ilkinji onlukda şular bar: 4. Lýuis Hemilton (Beýik Britaniýa, “Ferrari”); 5. Aleksander Albon (Tailand, “Uilýams”); 6. Şarl Lekler (Monako; “Ferrari”); 7. Jorj Rassell (Beýik Britaniýa, “Mersedes”); 8. Karlos Saýns (Ispaniýa; “Uilýams”); 9. Izak Hajar (Fransiýa, “Reýsing Bulls”); 10. Ýuki Sunoda (Ýaponiýa, “Red Bull).
Şu möwsümde dört ýaryşda ýeňiji bolan Piastri sürüjileriň sanawynda öňdebaryjylygy saklady (146 utuk), ikinji orunda Norris (133), üçünji orunda Werstappen (124) gelýär.
Konstruktorlaryň kubogynda birinji orny “Maklaren” (279), ikinji orny “Mersedes” (147), üçünji orny “Red Bull” (131) eýeleýär.
Indiki ýaryş 25-nji maýda Monte-Karloda geçiriler.
