69-njy “Ýewrowideniýe” halkara aýdym-saz bäsleşiginiň ikinji ýarym finalynda ahyrky tapgyra çykan ýene 10 gatnaşyjy belli boldy. Bäsleşik Şweýsariýanyň Bazel şäherinde geçirilýär.
Finala çykan 10 gatnaşyjy:
- ·Ysraýyl – New Day Will Rise aýdymy bilen Ýuwal Rafael
- ·Awstriýa – Wasted Love aýdymy bilen JJ
- ·Litwa – Tavo akys aýdymy bilen Katarsis
- ·Ermenistan – SURVIVOR aýdymy bilen Parg
- ·Daniýa – Hallucination aýdymy bilen Ciccaa
- ·Latwiýa – Bur man laimi aýdymy bilen Tautumeitas
- ·Lýuksemburg – La poupée monte le son aýdymy bilen Lora Torn
- ·Finlýandiýa – ICH KOMME aýdymy bilen Erika Wikman
- ·Gresiýa – Asteromata aýdymy bilen Klawdiýa
- ·Malta – SERVING aýdymy bilen Miriana Konte
Birinji ýarym final 13-nji maýda geçirildi. Şonda finala Norwegiýa, Albaniýa, Şwesiýa, Islandiýa, Niderlandlar, Polşa, San-Marino, Estoniýa, Portugaliýa we Ukraina çykdy.
Şeýle-de, finala “Uly bäşligiň” ýurtlary: Beýik Britaniýa, Germaniýa, Fransiýa, Ispaniýa we Italiýa awtomatik çykýar. Şweýsariýa hem 2024-nji ýyldaky bäsleşigiň ýeňijisi hökmünde gönüden-göni finala çykýar.
Final 18-nji maýa geçilýän gije bolar. Bäsleşige resmi Eurovision YouTube kanalynda tomaşa etmek bolýar.
