Tesla-nyň Optimus atly adam şekilli roboty tans etmegi öwrendi

  • 16.05.2025 15:50
  • 2k+

Ilon Mask X sosial torunda adam şekilli Tesla Optimus robotynyň tans hereketlerini ýerine ýetirýän wideosyny paýlaşdy.

Tesla-nyň robototehnika bölüminiň ýolbaşçysy Milan Kowaçyň aýtmagyna görä, bu hereketler güýçlendirilen maşyn öwrenmesi (reinforcement learning, RL) arkaly gazanyldy. Bu tehnologiýa awtonom agentlere toplanan tejribä esaslanyp, karar kabul etmäge mümkinçilik berýär. Onuň sözlerine görä, bu tans – «irki netije bolup, ýakynda has durnukly bolar».
Maskyň aýtmagyna görä, wideodaky berkidijiler robotyň deňagramlylygyny saklamak üçin däl-de, diňe ýykylyp biläýjek ýagdaýynda howpsuzlyk maksady bilen ulanylýar. «Bu [wideo] häzirki wagtda [düşürildi]» — diýip, ol belledi.
Kompaniýa Optimus-yň täzelenen wersiýasyny 2023-nji ýylyň dekabrynda tanyşdyrypdy. Täze nusga öňküsinden 10 kg ýeňil we 30% çalt hereket edýär. Şeýle-de hereketlerini dolandyrmak ukyby ep-esli gowulaşdyrylypdyr.
Maskyň soňky bahalandyrmalaryna görä, 2040-njy ýyllarda dünýäde, takmynan, bir milliard gumanoid robot bolup biler. Ol Tesla-nyň şol bazaryň, azyndan, 10%-ine eýelik etmegine umyt baglaýar.
Kompaniýanyň bellemegine görä, eýýäm 2025-nji ýylda Tesla kärhanalarynda «bir müňden gowrak ýa-da müňlerçe» Optimus roboty işläp başlar.


14.10.2025 19:17
1.2k+

SpaceX kompaniýasy Starship raketasynyň 11-nji synagyny üstünlikli geçirdi

14-nji oktýabrda irden SpaceX kompaniýasy kuwwatly Starship raketa göterijisiniň on birinji synagyny geçirdi. Geçenki uçuş ýaly bu synag hem üstünlikli tamamlandy. Raketa ýerli wagt bilen 18:24-de (Aşgabat wagty bilen 4:24) Tehasdaky uçuş meýdançasyndan goýberildi...

09.10.2025 18:12
3.2k+

Ilon Mask: Grok eýýäm 2026-njy ýylda ýarym sagatlyk filmleri döredip biler

Ilon Mask Grok AI-niň 2026-njy ýylyň ahyryna çenli tomaşa edip boljak wideo-filmleri döredip biljekdigini, 2027-nji ýylda bolsa hakykatdanam ýokary hilli filmleriň peýda bolmagyna garaşylýandygyny mälim etdi. Bu barada ol X sosial ulgamynda ýazdy...

28.08.2025 12:21
5.5k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

27.08.2025 11:42
2.7k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...