Saud Arabystany bilen ylalaşyk Nvidia-nyň ýolbaşçysynyň baýlygyny $120 mlrd çenli artdyrdy

  • 15.05.2025 21:07
  • 4.3k+

ABŞ-nyň Prezidenti Donald Trampyň Saud Arabystanyna saparynyň dowamynda birnäçe uly tehnologiýa şertnamalary baglaşyldy. Bu hem Ýakyn Gündogarda amerikan çip öndürijileriniň ornuny güýçlendirdi. Nvidia we AMD kompaniýalary onlarça milliard dollarlyk önümlerini ibermek barada ylalaşyk gazandy.

Bu hem Nvidia-nyň paýnamalarynyň 5,63% ýokarlanmagyna getirdi, onuň kapitalizasiýasy bolsa 3 trln dollardan geçdi. Kompaniýanyň esaslandyryjysy Jensen Huangyň baýlygy bolsa 120 mlrd dollara ýetdi. Geçen ýyl ol 80 mlrd dollar diýlip hasaplanypdy.
Reuters agentliginiň maglumatlaryna görä, Nvidia Saud Arabystanyna ýüz müňlerçe EA çiplerini iberer. 18 000 Blackwell tizleşdirijilerinden ybarat toplum Saud Arabystanynyň garaşsyz gaznasy tarapyndan goldanýan Humain startapy üçin niýetlenýär.
AMD hem Humain bilen 10 mlrd dollarlyk şertnama baglaşdy. Qualcomm Humain bilen hyzmatdaşlygyň çäklerinde ýöriteleşdirilen serwer prosessoryny döreder.
Saud Arabystanyndan DataVolt kompaniýasy ABŞ-nyň maglumat merkezlerine we energetika 20 mlrd dollara çenli maýa goýar. Ol Google, Oracle, Salesforce, AMD we Uber bilen bilelikde iki ýurduň hem tehnologiýa taslamalaryna 80 mlrd dollar sarp etmegi meýilleşdirýär.
Şeýle-de, Humain we Nvidia 500 MWt çenli kuwwatly “EA fabrikalaryny” gurar. Olaryň işlemegi üçin ýüzlerçe müň Nvidia çibi gerek bolar. Şeýle merkezleri Humain AMD bilen hem döreder. AMD grafiki we merkezi prosessorlar, şeýle-de programma üpjünçiligi bilen üpjün eder. Merkezleriň bir bölegi eýýäm geljek ýyl işläp başlamaly.


23.09.2025 17:37
4

Tim Kuk iPhone-yň gymmatlamagyna gümrük paçlarynyň täsir etmändigini aýtdy

Apple-iň baş direktory Tim Kuk täze iPhone modelleriniň bahasynyň ýokarlanmagynyň ABŞ-nyň Prezidenti Donald Trampyň administrasiýasynyň paç syýasaty bilen baglanyşykly däldigini aýtdy. Ol bu barada CNBC-den Jim Kramer bilen söhbetdeşlikde belledi...

09.09.2025 23:17
1

Trillioner tehnologiýa ägirtleriniň umumy kapitalizasiýasy 21 trln dollara ýetdi

ABŞ-nyň sekiz sany iň uly tehnologiýa kompaniýalarynyň umumy bahasy 21 trln dollardan geçdi. Nvidia-nyň paýnamalarynyň pese gaçandygyna garamazdan, bir hepdede olaryň bazar bahasy 420 mlrd dollar ýokarlandy. Indi bu kompaniýalar S&P 500 indeksiniň, takmynan, 36%-ini emele getirýär diýip, CNBC habar berýär...

06.09.2025 16:32
5

Erik Tramp American Bitcoin-iň paýnamalarynyň ösmegi netijesinde milliarder boldy

ABŞ-nyň Prezidenti Donald Trampyň ogly, telekeçi we haýyr-sahawatçy Erik Tramp milliarder boldy. Bu American Bitcoin kriptowalýuta kompaniýasy NASDAQ biržasyna çykandan soň bolup geçdi diýip, Forbes habar berýär...

13.08.2025 15:57
6.4k+

Samsung ABŞ-daky çip zawodlaryna maýa goýumlaryny 35%, ýagny 50 milliard dollara çenli artdyrar

Samsung ABŞ-da çip öndürmeklige ozal meýilleşdirilen 37 milliard dollara derek, takmynan, 50 milliard dollar maýa goýmagy meýilleşdirýär. Bu barada Günorta Koreýanyň SEDaily neşiri habar berýär. Neşiriň habar bermegine görä, kompaniýa ýarymgeçiriji önümlerini import etmekde 100 göterimli amerikan paçlaryndan boşadylmagyna garaşýar...