EPFL intellektual ulgamlar laboratoriýasyndan (Şweýsariýa) aspirant Şuhang Çžan we onuň topary täze bir taslamany, ýagny daşky gurşawa zyýan bermezden, suwuň üstünde ýüzüp bilýän kiçijik robotlary hödürlediler. Enjamlar naşyja gaýyklar görnüşinde ýasalyp, onuň düzüminde plastmassa, batareýa we elektronika ýok. Hereket etmek üçin olar mekdebiň "wulkanly" synagyna meňzeş ýönekeý himiki reaksiýany ulanýarlar.
"Tebigy gurşaw üçin kindiwanja ýüzýän robotlaryň işlenip taýýarlanyşy çalt depginde ösýän hem bolsa, olarda duýgur howdanlarda kynçylyk döredýän plastmassa, batareýalar we elektronika ulanylýar. Ýöne biz bu materiallary biologik taýdan dargaýan we zäherli däl materiallar bilen çalyşmagyň usulyny tapdyk" -diýip, Çžan düşündirdi.
Robotlar balyk iýmiti görnüşindäki iýilýän materialdan ýasalan. Awtorlaryň sözlerine görä, onuň düzümindäki belogyň düzümi adaty owuntyklardaka garanyňda 30% ýokarydyr. Işleri gutaransoň, enjamlar suwdaky jandarlara iýmit bolýar.
Her enjam temperatura, pH, hapalanma we mikroorganizmler baradaky maglumatlary ýygnaýan biologik taýdan dargap bilýän datçikler bilen enjamlaşdyrylandyr. Maglumatlary uzak aralykdan okap bolýar.
Robotlary dolandyrmak çylşyrymly däl – olaryň hereketleri mör-möjeklere meňzeýär we hereket ugry bolsa gurnalanda kesgitlenýär.
