Belli insaýder MyTimeToShineHello geljekki “Şrek 5” multfilminiň sýužeti barada ilkinji maglumatlar bilen paýlaşdy. Maglumatlara görä, meşhur multfilmiň bäşinji bölümi Şrekiň Felisiýa atly gyzy barada gürrüň berer. Onuň keşbine aktrisa Zendeýa ses berer.
Insaýderiň aýtmagyna görä, Felisiýa tötänleýinlikde güýçli jadyny ulanýar. Netijede, Şrek we onuň iň gowy dosty Eşek biziň dünýämize düşýär. Indi olar ertekiler dünýäsine gaýdyp barmagyň ýoluny tapmaly bolar. Mesele Felisiýanyň muny nädip etmelidigini bilmezligidir.
Dreamworks studiýasyndan “Şrek 5” multfilminiň sýužetiniň resmi beýany heniz ýok. Bu barada ilkinji treýler çykandan soň belli bolar diýlip garaşylýar. Dünýä kinoteatrlarynda multfilmiň premýerasy 2026-njy ýylyň 23-nji dekabryna meýilleşdirilýär.
